Самти асосии рушди Донишгоҳ байналмилаликунонӣ мебошад. Донишгоҳи байналмилалии забонҳои хориҷии Тоҷикистон ба номи С.Улуғзода (ДБЗХТ ба номи С. Улуғзода) бо донишгоҳҳо ва марказҳои илмии хориҷӣ беш аз 60 шартномаи байналмилалии ҳамкорӣ дорад. Дар соли таҳсили 2023-2024 дар ДБЗХТ ба номи С. Улуғзода беш аз 8 нафар профессорону олимони хориҷӣ аз 6 кишвари ҷаҳон ба таълиму тадрис машғуланд.
Теъдоди донишҷӯёни хориҷӣ сол то сол афзоиш меёбад – зиёда аз 400 нафар шаҳрвандони хориҷӣ аз 10 кишвари ҷаҳон дар зинаҳои бакалавр, магистр ва докторантура таҳсил мекунанд.
