Кафедраи педагогика ва психология

Кафедраи педагогика ва психология яке аз кафедраҳои аввалинест, ки дар Донишкада соли 1980 ташкил ёфта, он аз рӯзи таъсисаш дар тули 38 сол чанд маротиба табдили ном кардааст. Дар тули солҳои 1980-1994 бо номи кафедраи «Педагогика ва методикаи таълими фанҳои тахусусӣ», солҳои 1997-2003 кафедраи Педагогика солҳои 2003-2004 кафедраи «Психология ва маҳорати омузгорӣ», аз декабри соли 2007 кафедраи «Педагогика ва психология» ном дошт. Кафедраро аз рӯзи ташкилёбиаш дар солҳои гуногун устодони зерин сарвари кардаанд, ки инҳо дотсентон: А.С. Шепилова 1980 – 1994, З.Я. Исмаилова 1997 – 2002, Н. И. Носиров 2002 – 2003, Т. Ахмедов 2003 – 2007, Д. Ашурова 2007 – 2009, Б. Қодиров 2009 – 2010 мебошанд, Б. Ашӯров 2010-2011 ва аз соли 2011 то сентябри 2014 бошад сарварии кафедраро Ҳ. Абдуллозода ба ӯҳда дошт.

Соли 2014 бо Қарори Шӯрои олимони донишкада ду кафедра «Педагогика ва психология» ва «Методикаи таълими забон ва адабиёт»муттаҳид гардид ва аз 1 октябр бо номи кафедраи «Педагогика, психология ва методикаи таълим» фаъолияти худро давом медиҳад.

Бо қарори Шӯрои олимони донишкада моҳи январи соли 2016 кафедраҳо боз ҷудо карда шуда, мудирии кафедраро номзади илмҳои педагогӣ, дотсент Ҳабибова Н.Ш. ба ӯҳда гирифтанд. Аз аввали соли 2017 инҷониб мудири кафедра н.и.п., дотсент Гадоев К.Х. буданд. Бо қарори Шӯрои олимони донишкада моҳи сентябри соли 2018 кафедраҳо боз ҷудо карда шуда, мудирии кафедраро номзади илмҳои педагогӣ, дотсент Шарифов М. ба ӯҳда гирифтанд. Аз аввали соли 2019 инҷониб мудири кафедра н.и.п., дотсент Ошимова М. мебошанд.

Чанд сол кафедра яке аз кафедраҳои калони байни донишкадавӣ ба ҳисоб мерафт. Соли моҳи сентябри соли 2017 он ба факултети филологияи рус гузашт. Айни замон дар он 24 устод фаъолият менамоянд, аз ҷумла 4 нафар докторони илмҳои педагогӣ, 7 нафар номзадҳои илми педагогика, 7 нафар муаллими калон ва 7 нафар ассистентон кору фаъолият менамоянд.

Аз тарафи омӯзгорони кафедра як чанд китобҳои дарсӣ, дастурҳои методӣ ва мақолаҳои илмӣ ба чоп расидааст. Аз ҷумла: Раҷабзода М., Ҳабибов С.Ш., Сулейманова А.Г. История педагогики мира/китоби дарсӣ; Ахмедов Т., Ашӯрова Д. Педагогика дар саволу ҷавобҳо, «Педагогикаи шавқовар»/Дастури таълимӣ; Абдуллозода Ҳ., Саидов А. Таърихи педагогикаи ҷаҳон. Дастури таълимӣ; Ашӯрова Д., Ахмедов Т. Иффат мизони ҳиммат; Қосимзода И.Т. китобҳои таълимӣ: «Методикаи омӯзиши забони русӣ».; Ҳ. Абдуллозода китоби дарсӣ «Асосҳои методикаи таълими Биология», дастурҳои таълимӣ: «Маводҳои таълимӣ», «маҷмуаи педагогикаи умумӣ», «Ташкилу гузаронидани корҳои берун аз синфӣ»; интишор намуданд, ки аз ин китобу дастурҳоро на танҳо донишҷӯёну устодони ДДЗТ ., ба номи Сотим Улуғзода балки аз он дигар донишҷӯёну усодони мактабҳои олии ҷумҳуриамон низ истифода мебаранд.

Корҳои илмию тадқиқотии аъзоёни кафедра дар асоси мавзӯҳои заминавии кафедра «Роҳҳои амали гардонидани қонуни ҷумҳурии тоҷикистон оиди масъулияти падару модар дар тарбияи фарзанд» дар ҷаласаи кафедра қабул гардида устодон», амалӣ мегардад. Дар ин самтҳо аз тарафи омӯзгорон аллакай якчанд мақолаҳо ба чоп расид.

Дар назди кафедра 3 нафар аспирант, 6 нафар унвонҷӯй фаъолият дорад. Фаъолияти онҳо қаноатбахш буда, дар шӯрои илмию методии кафедра ҳар сол 2 маротиба ҳисобот медиҳанд. Дар соли 2015 ду нафар унвонҷӯи кафедра рисолаи номзадии худро бомуваффақият дифоъ намуданд. Дар соли 2019 ҳимояи ду нафари унвонҷӯ аз рӯи ихтисоси 13.00.01 пешбини карда шудааст, ва боз як нафаре аз доторӣ.

Кафедра зиёда аз: даҳазор соат дорад ва аз рӯи зиёда аз 22 номгӯи фанҳои таълимӣ оиди педагогоика, психология ва методикаи таълим дарс дода мешавад: «Педагогикаи умумӣ», «Таърихи Педагогика», «Психологияи умумӣ», «Психологияи сину солӣ», «Психологияи касбӣ», «Психологияи муошират», «Педагогикаи мактаби олӣ», «Психологияи мактаби олӣ», «Курси махсуси мактабшиносӣ», «Таърихи афкори педагогикаи халқи тоҷик»ва ғ.

Устодони кафедра дар ҳамаи факултетҳои донишкада ба донишҷӯёни зинаи бакалавриат ва магистратура дарс медиҳанд ва роҳбарии таҷрибаи таълимӣ ва омӯзгориро ба ӯҳда гирифтаанд. Таҳти роҳбарии устодони кафедра донишҷӯён корҳои курсӣ, дипломӣ ва рисолаҳои хатм менависанд.