Факултети филологияи тоҷик

АБДУРАҲИМОВ Бахтиёр Абдураҳимович

Дараҷа: номзади илми филология

Унвон: аълочии фарҳанги Тоҷикистон (2010), аълочии матбуоти Тоҷикистон (2010)

Вазифа: декани факултети филологияи тоҷик

Таҳсилот: олӣ

Ихтисос аз рӯйи диплом: рӯзноманигор ва тарҷумон

Тахассус (касб): рӯзноманигор ва тарҷумон

Собиқаи умумии корӣ: 12 сол

Собиқаи корӣ аз рӯйи ихтисос: 10 сол

E-mail: donishafzo@mail.ru

Факултети филологияи тоҷик зерсохтори Донишкадаи давлатии забонҳои Тоҷикистон ба номи Сотим Улуғзода буда, аз рӯйи 6 ихтисос мутахассиси соҳаҳои омӯзгорӣ ва технологияи иттилоотиро омода мекунад.

Факултет муассисаи таълимии таҳсилоти олии касбӣ буда, барномаҳои таҳсилоти олии касбӣ, такмили ихтисос ва корҳои илмӣ-тадқиқотиро амалӣ месозад.

Айни замон дар факултет 2 кафедра – назария ва таърихи адабиёт ва забони тоҷикӣ ва таъмини иттилооти идора бо фарогирии 6 ихтисос фаъолият доранд.

Дар факултет аз рӯйи самтҳои зерин мутахассис омода карда мешавад:

– Забон ва адабиёти тоҷик;

– Забон ва адабиёти тоҷик. Забони англисӣ;

– Забон ва адабиёти тоҷик. Фарҳанги ҷаҳонӣ ва ватанӣ;

– Таълими компютерии забонҳо;

– Забоншиносӣ ва технологияи нави иттилоотӣ;

– Ҳуҷҷатшиносӣ ва таъмини иттилооти идора.

Факултет дорои 18 синфхона ва 8 утоқи корӣ буда, дар онҳо барои як басти таълимӣ 400 ҷойи нишаст пешбинӣ шудааст. Дар баробари ин, як синфхонаи компютерӣ бо 10 компютер ва 16 ҷойи нишаст омодаи фаъолиятанд.

Ҳамчунин, факултет дорои 4 проектор, 4 принтер ва 8 компютер мебошад, ки барои пешбурди кор истифода мешаванд.

Айни замон дар факултет 41 нафар омӯзгор ба фаъолияти таълимию методӣ ва илмию тадқиқотӣ машғуланд, ки аз онҳо 36 нафарашон омӯзгори штатӣ ва ҳамкори дохила ва 5 нафарашон омӯзгорони ҳамкори беруна мебошанд. Шумораи умумии устодони дараҷа ва унвони илмидошта 17 нафарро ташкил медиҳад. Шумораи донишҷӯён то санаи 17.10.2019 347 нафарро ташкил дода, аз онҳо 149 нафар тариқи буҷавӣ ва квотаи Президентӣ ва 179 нафар тариқи шартномавӣ ба таҳсил фаро гирифта шудаанд. Аз шумораи умумӣ 214 нафарро духтарон ва 134 нафарро писарон ташкил медиҳанд.